"Sigurd"

Endelig har eg fått scrappa bilda av den utrolig skjønne Sigurd som kom til verda i mai i fjor. Eg var så heldig å få besøke dei på sjukehuset og tok da desse bilda av Sigurd. 

 Materialliste:
Ark: My mind`s eye, Tim Holtz og bazzill.
Pynt: Diverse blonder frå skuffa mi, metallpynt frå korthobby.no, blomster frå woc og magnolia. Sommerfuglen er ein dies frå Magnolia. 

Anna: Mønsteret på bazzill arket er laga med gesso tilsett ulike distress ink nyansar. Fargen er mala på arket med ei fyrstikk. Har også spraya med "heimelaga" blå spray over gessoen.
Sommerfuglen har blitt farga med broken china og faded jeans (som alltid distress ink), i kantane har eg lagt eit tynt lag med stickles. Metall pynten har blitt fargelagt med gesso før eg har gått over med broken china i kantane. Bilda har blitt pussa ned i kantane og fekk difor ein kvit kant rundt seg. Thickersane har først blitt spraya med blåfarge for så å få litt ekstra blåfarge i overkant. 

Detaljbilde: 

Denne Loen blei laga med Thats just so cute si fargeutfordring i hovudet. Ein skulle la seg inspirere av eit bilde som besto av fargane kvit og blå. 

Ønskjer dykk alle ei fantastisk helg. 

"som ei kule"

Fann denne hærlege skissa inne hos Skissedilla og den måtte berre prøvast ut. 

Blei inspirert av kulene og høgden på dei.Var ei utrolig kjekk skisse å jobbe med og var utrolig inspirerande å jobbe med den når ein plutselig såg for seg resultatet i hovudet før ein byrja å jobbe med den. 

 Material:
Kvit bazzill, svart bazzill. Tråd som har blitt farga brun, bak bilda har eg brukt sølv glimmer mist. Sommerfuglstempel frå Tim Holtz og murstein maske frå Prima. Pynten over kulene er ein liten dekorring som har blitt delt i to. Ellers er bilda sanda litt ned i kantane og hovudarket sverta med black soot i kantane. 

Ha ein fantastisk flott og inspirerande dag. 

"To snart tre"

Nytt år, nye utfordringar og mogelegheiter.

 Det er kun snakk om dagar igjen til vi blir 3 i familien. Den siste tida skal bli brukt til masse hobby og litt baking. Må jo ha litt i frysen til lisjegullet kjem. 

Her ein ein LO eg har laga av eit av bilda som vi tok hos fotograf Dieter i Førde før jul (Vil komme eit innlegg med fleire bilder om litt). 

 Ark frå: Riddersholm design, bazzill og my minds eye. Kantane har blitt sanda, rufsa og distressa. Før eg distressa kantane har eg leika meg litt med masker og stempel. Detalj bilde lenger nede. 

Thickers frå American Crafs, fargelagt med vintage photo. Hjertet er frå GCD, overlakkert med blank crackle paint for så å bli fargelagt med vintage photo ved å bli lagt i "vannbad" med vintagephoto og vatn. Chipboarden suger til seg vatn og difor også fargen. Grei måte å gjere det på når ein har lagt på crackle paint før ein hadde fargelagt.  

Blomster dies frå magnolia, Trykt ut på kvit bazzill og fargelagt med Milled Lavendel, Dusty concord og vintage photo (Distress ink), stickles "copper" langs kantane. Metallpynt frå Prima og kortgleder. Perlepynten er frå kort og godt.  

Sommerfugl dies frå magnolia, same framgangsmåten som ved blomstrane, berre at sommerfuglane har fått Stickles "copper" i midten. 

Maske frå Prima og stempel frå Tim Holtz, brukt Vintage photo frå Ranger/Distress ink. Kanten på mønsterarket er blitt elda med sandpapir, rufsekant og vintage photo. 

Vil gjerne ha tilbakemeldingar på kva de saknar i blogger og kva de ønskjer å sjå meir av i løpet av 2012. Vil nok ikkje bli laga like mykje som tidlegare no framover, men ønskjer at blogginnlegga skal være interessante for dykk og at de ønskjer å følgje meg vidare i 2012. 

Stor klem frå Karianne. 

Gledelig jul alle saman.

I dag er det 24.desember, nedtellinga er ferdig og det er kun snakk om timar før det blir god julemat og pakkeopning.

Eg sitte i pysjen, medan min kjære framleis søv. Julesokken ligg å venta på å bli opna, huset er stille og det er berre tastinga frå pcen min som kan høyrast. Ute er det snø og julestemning, akkurat slik det skal være på julafta.

Vi ser fram til ein kjekk dag saman med familien, i år blir jula feria saman med familien til min kjære før vi drar oppover til min i romjula. Kjekt å få besøkt flest mogeleg før det blir familieforøkelse og ikkje like masse farting som vi er vant med.

Prosjektet eg vil vise fram i dag er eit prosjekt eg jobba med medan eg var på treff med dei fantastiske hjertedamene og papir i hjertet i Sørum.

Materialliste:
Stempel frå Magnolia og North star stamps. Fargelagt med distress ink. Alle kantane har og blitt sverta med distress ink “Vintage photo”. Kantane har vidare blitt raska opp med prima sitt nye skrapeverkty. Som eg forresten har blitt heilt forelska i. <3
Vidare har eg brukt ark frå We lowe scrap, bazzill og akvarell ark. Blomstrane er frå prima og WOF. Punchen er ein flott granbar punch frå Nellie Snellen,.  
Inni er tekst stempelet frå North star stamps brukt, på venstre side er det laga eit skrivefelt. Inni boksen er det plass til sjokolade eller ein liten gave.

Ønsker de alle ei fantastisk jul. Håper den blir kjempeflott.
Stor juleklem frå meg.

Ferie og førjulstid <3

Dei raude gardinene e hengt opp, julestjerna skine så fint. Dei raude amaryllisane har sprunge ut og gnomane har byrja å titte fram.
Eg nyte dei første dagane i ferie/permisjon med te, hekling, bladlesing og stearinlys <3 Sjølv om dagane har vore tettpakka har eg funne tid til litt kos og pleie innimellom. Ikkje alltid greit å slappe av når ein har tusen ting ein skulle ha fått gjort.

På mandag kom vugga i hus og i går blei dyna redd opp og bamsen godt plassert på puta.

Hekleteppet eg har jobba med skal berre få ein siste pyntekant rundt heile teppet og få montert trådane så er det ferdig.

Skap har blitt rydda i og klær skal bli lagt ut på finn(men å laste opp 40 bilder tar tid). Gjenstår nokre julepakkar som skal bli pakka inn før eg er heilt i boks. Fekk faktisk julegåve frå jobben i dag også, spennande.

Spent på kva dei neste dagane vil bringe med seg.
Kun 1 mnd igjen til termin i dag. <3

Chistmas loving birds

For kvar dag er vi ein dag nærare jul, tenk at det allerede har gått eit år. Syns tida har gått kjempefort og den går sikkert berre ekstra fort sidan det berre er 1 mnd igjen til eg har termin.

Her kjem nok ei ladning av sjokoladekort. Denne gangen med Whiff of joy sitt fuglemotiv. Syns dei er så utrolig hærlege desse to. Og sjølv om det ikkje er så stor forskjell på korta ser ein at litt endring i farge kan gjere mykje for eit kort og eit motiv.

Kva har eg brukt:
Papira har alle blitt sanda og distressa i kantane, nokon av arka har også fått eit lag med gesso i kantane. Av dieser har eg nytta magnolia sine swirl punch, granbarpunch, snøfnugga er trykt ut med cricuten.
Motiva er fargelagt med distress ink. Nokon av fuglane har også fått litt glitter på magen og det er også glitter på nokon av granbara på motivet.

Ha ein fantastisk kveld vidare alle saman.
Vi skal ha ein rolig kveld og lade opp til julefeiringa.

Tilda sprer julestemning

No er eg snart ferdig med å vise de alle sjokoladekorta som har blitt produsert. Er ganske klar for å vise dykk litt andre prosjekt, sjølv om det ikkje har blitt så masse i det siste.

Siste dag på jobb.

Tida går så utrolig fort og i dag har eg min siste dag på jobb før eg går ut i ferie og permisjon. utrolig rart å tenke tilbake på at eg for nokre månadar sidan tenkte at det var sjukt lenge til, men tida har gått i ein rasande fart og plutselig var dagen her.

Gleder meg til å ha ein siste dag saman med dei fantastiske damene og mannen på jobb. Satser på at det blir ein flott dag.

Rart å skulle pakke ned bilder frå veggane og legge bøker i esker. Tenk at der skal dei ligge i over eit år. Heilt merkeleg tanke. Burde vel snart gå opp for meg at livet er i ferd med å bli snudd heilt opp ned og vi går inn i noko av dei mest fantastiske åra i livet vårt. Gleder meg og oss så utrolig masse til å ta til på nye utfordringar og få eit lite nurk inn i livet vårt. Under 5 veker igjen til termin og dagane går i ein rasande fart, men jul oppi det heile går det ikkje akkurat noko seinare.

Vil vise dykk ei eske eg laga for ei lita stond sidan. Denne eska er utrolig flott å gje vekk i barselgåve, laga til ein liten gut.

Ha ein fantastisk dag alle saman. <3

Henry in winter wonderland.

Eg drømmer om snø, minusgrader og frostlagde trær, men det vi har er regn, grønne hagar og overskya himmel. Nedtur og absolutt ingen julestemning. Sjokoladekort laginga har gått på høggir, er ferdig med alle korta som skulle bli laga i år og må vel til å sende ut nokre. 90% av alle korta har blitt laga på bestilling, men nokon har eg tatt vare på sjølv sånn at iallefall nokon skal få ei julehelsing frå oss i år. Satser på at ei helsing i januar/februar er det slekta ønsker seg i år.

Korleis går det med di julekortlaging? Har du kome i mål i år?

Nye stempel

Papir i hjertet har fått inn dei fantastiske stempela til North Star stamps <3 <3

Dei er berre så fantastisk nydelige.

Ta turen innom butikken og sjekk ut utvalget da vel.